साजण

                                      
   साजण माझा परदेशी

घायाळ मी झाले कशी ?

चैन पडंना दिवसाला

झोप लागंना रातीला

धाडावा वाटतोय निरोप त्याला

पर लिहाया वाचाया येतंय कुणाला ?

ढोरा मागनं हिंडणारी मी

दयान हाय त्याच्यापरास कमी

साळत जाऊन शिकाया लागले

वाटलं थोडं फार लिहाया शिकले

काना आला तर मात्रा इना

साळत बसले पर ध्यान काय लागंना

एक दिस गुरुजीनं इचारलं मला

बाई, काय-काय येतंय तुला ?

म्हंटलं , पिरेम कराया येतंय मला

ऐकून मास्तरनं हाकललं मला

येवडयात धन्याच टपाल हुत आलं

शेजारच्या पो-यानं वाचून दाखिवलं

येणार हाय असं हुतं त्यात

जीव माजाबी पडला भांडयात

सजणाला आल्यावर सांगितली शाळा

पर त्यो म्हंटला कसा

राहू दे शाळा , घरात बसून पीठचं मळा.

कवयत्री-सौ प्रतिभा पाटील